Әлемдегі ең жылдам пойыз
Күншығыс елінің инженерлері ең жылдам жүретін пойызды тесттік бақылаудан өткізуде. Пойыз сағатына 400 шақырымды артта қалдыратын жылдамдыққа ие.
Демек, әлемдегі ең жылдам пойыз болмақ. Жоғары жылдамдықтағы пойызға Alfa-X (Advanced Labs for Frontline Activity in rail eXperimentation) деген атау берілген. Оны жасау 2017 жылдан басталған. Пойыздың алдыңғы бөлігі айрықша. Жүргізуші отыратын кабина тұмсық тұсына дейінгі ұзындығының өзі 22 метрді құрайды. Қазіргі таңда Alfa-X аптасына екі рет түнде бақылаудан өткізілуде. 10 вагон жалғаған пойыз Аомори мен Сендай қалалары арасында тәжірибелік бақылау бойынша жүргізілуде.
Жаңа пойыз пайдалануға толықтай 2030 жылы бір-ақ берілмек. Оған себеп - Жапониядағы транспорттық жүйенің күрделі болуы. Alfa-X пайдалануға берілгеннен кейін әлемдегі ең жылдам пойыз болмақ. Ал одан да жылдам (сағатына 600 шақырым) пойыз түрі бар. Бірақ оның жол жүру жүйесі басқа. Ол пойыз магнитті жол арқылы жүйткиді.
massaget.kz
