Brent мұнайының бағасы 100 доллардан асты

Ресей президенті Владимир Путиннің Донбастағы арнайы операция өткізу туралы мәлімдемесінен кейін Brent мұнайының бағасы барреліне 100 доллардан асты. Бұл ақпарат Лондон биржасының сауда-саттық деректерінде расталды, деп хабарлайды Egemen.kz.

Сағат 10.12-дегі жағдай бойынша, Brent маркалы мұнай сәуір фьючерстерінің бағасы 3,397 пайызға, яғни барреліне 100,13 долларға дейін көтерілді. Мамыр фьючерстері 3,463 пайызға, 97,1 долларға дейін қымбаттады.

Сәуірде WTI фьючерстері 4,015 пайызға, барреліне 95,6 долларға дейін өсті.