Қазақстандықтардың шетел банктерінде қанша млрд қаржысы бар?

Мемлекеттік кірістер комитетінің мамандары 27 мың қазақстандық азамат ақшасын шетелдік банктерде сақтайтынын жерлестеріміздің 820 млрд-тан аса теңгесі сырт елдердің 108 банкінде тұрғанын мәлімдеді. Бұл туралы Астана арнасына сілтеме жасаған NUR.KZ.

Өткен жылы 68 мың қазақстандық шетелдегі табысы мен активтерін көрсетуі тиіс декларцияны толтырған. Олардың көбі қаражатын Сингапур, Швейцария, Ливан, Корея Республикасы мен Ресей банктерінде ұстайтыны белгілі болды.
Ақшадан бөлек, ел азаматтары 69 мемлекетте 12 мыңнан аса жылжымайтын мүлікті рәсімдеген.
Жеке мүлікті заңдастыруға келгенде жерлестеріміздің таңдауы Ресей, Болгария, Түркия, Испания, Ұлыбритания, АҚШ және Францияға түскен.

nur.kz

Экономика

26 шілде 2018 ж. 555 0