Шілде айында ет өнімдері 7,2% қымбаттады

2018 жылғы шілдеде азық-түлік тауарларының бағасы 2017 жылғы шілдемен салыстырғанда 4,4%-ға өсті, деп хабарлайды Baq.kz ақпарат агенттігі Статистика комитетіне сілтеме жасап.

Баға алкогольді ішімдіктерге – 11%, сүт өнімдеріне – 10,6%-ға, балық және теңіз өнімдеріне, кондитерлік өнімдерге – 8%-дан, тоқаш және ұн өнімдеріне – 6,4%, макарон өнімдеріне – 2,6%, кофе, шай және какаоға – 2,2%, нанға – 0,8%, ұнға 0,2%-ға жоғарылады, ал жармаларға – 14,4%, қантқа – 12%, жемістер мен көкөністерге 4,1%-ға төмендеді.

Аталған кезеңде ет және ет өнімдеріне баға өсімі 7,2%-ды құрады. Сиыр етіне баға деңгейі – 8,8%, шұжық өнімдеріне – 8,2%, шошқа етіне – 7,6%, жылқы етіне – 7,4%, қой етіне 6,4%-ға жоғары болды.

Ескерту: тамақ өнімдерінің бағасын тіркеу меншіктің барлық нысанындағы сауда кәсіпорындарының іріктеме желісі бойынша және Қазақстанның ірі қалаларындағы қалалық базарларда жүзеге асырылады. Республика бойынша орташа баға деңгейі Астана, Алматы, Шымкент, Семей, Жезқазған қалалары, облыс орталықтары және аудандардың іріктелген шеңберінің баға деңгейінен салмақталған шамасы ретінде анықталады.

baq.kz