Ақша айырбастау орындарында доллар 372 теңгеден сатылып жатыр

Ұлттық валюта бағамы KASE қор биржасының күндізгі саудасында 370,36 теңге болды, - деп хабарлайды Tengrinews.kz тілшісі.

Еске салайық, таңғы сессияда ұлттық валютаның долларға қатысты бағамы 363,32 теңге болған еді. Күндізгі сауданың бірінші келісімі 369,9 теңгемен өтті. Минималдық құны 369,5 теңге болды, ал максималдық құны - 371,08 теңге.

Сауданың жалпы көлемі 194,9 миллион долларға жетті. Kurs.kz мәліметінше, ұлттық валютаның долларға шаққандағы бағамы 371-372,7 теңге аралығында саудаланып жатыр. Астана уақыты бойынша сағат 15.30-да Brent маркалы мұнай бағасы барреліне 77,59 доллар болды.

tengrinews.kz