Алматы көшелерінде тегін Wi-Fi тарататын орындықтар пайда болуы мүмкін. Сымсыз ғаламтор 20 метр қашықтықтан ұстайды. Сонымен қатар, онда күн сәулесінен қуат алатын екі батарея орнатылады. Сондықтан қала тұрғындары оны жыл он екі ай пайдалана алады деп хабарлайды Алматы арнасы.

Одан бөлек, смарт-орындықта телефонды да қуаттауға болады. Ақылды орындықтар қашан орнатылатыны белгісіз. Құрастырушы компания өкілдері қазір Алматы әкімдігімен келіссөздер жүргізіліп жатқанын айтады.  

«Бұл смарт-орындықтар басқаларға қарағанда ерекше. Онда үлкен екі батарея орнатылған. Олар күннен қуат алады да, үш күн бойы тоқтаусыз жұмыс істеуге қауқарлы.

Бір орындықтың құны шамамен 1 миллион теңге тұрады», – деді смарт орындықтарды құрастырушы компания директорының орынбасары Сергей Шакиров.