Батыс Қазақстан облысында жол бойында жеңіл көлік жанып кетті, деп хабарлайды ҚазАқпарат тілшісі. 
Облыстық Төтенше жағдайлар департаментінің баспасөз қызметінен түскен мәліметке қарағанда, оқиға кеше сағат 19.13-те Теректі ауданы аумағында болған. Орал-Ақсай жолының 58-шақырымында Lexus автокөлігі өртенді. Өрт сағат 19.50-де сөндірілді. Оған №12 Өрт сөндіру бөлімінен 3 адам, 1 техника жұмылдырылды. Абырой болғанда, оқыс оқиғадан ешкім зардап шекпеді. Айта кетерлігі, жыл басынан бері өңірде 41 жеңіл көлік өртенді.