Алматы әкімдігінің қалалық мобильді басқармасы автобустан бойжеткеннің құлап кету оқиғасына пікір білдірді. Жүргізушіге қатысты қызметтік тергеу жүріп жатыр. 

Жүргізушінің айтуынша, ол Алматы-1 вокзалынан Ащыбұлақ елдімекененіе дейін бара жатқан. Жол бойында бойжеткен тоқтатуды сұрапты. 
"Жолаушы Аяла Нұрбол автобусты тоқтатуды сұрайды. Ол өз аялдамасынан өтіп кеткенін айтты. Жүргізуші жолдың оң жағын тоқтап, есікті ашты. Куәгерлердің айтуынша, бойжеткен құлаққап киіп, телефонның экранын қараған күйі есіктен шыққан. Ол баспалдақты көрмей жерге құлап түсті", - деді басқармада. 
Жүргізуші оқиға орныннаy кетпей, полицейлердің келгенін күтті. Полицейлер жолаушылардан жауап алды. Олар жүргізушінің кінәсіздігін айтты. Осыдан кейін жүргізуші жұмысын жалғастырды. 
"Жедел" ЖШС қазір жүргізушіге қатысты қызметтік тергеу жүріп жатқанын, оған байланысты шара қолданылатынын айтты. 



https://stan.kz