Қазақстан темір жолы: Қазір пойызбен жүрген қауіпсіз
Қазақстан темір жолы қазір пойызбен жүрген қауіпсіз екенін айтты, деп хабарлайды Stan.kz ақпарат агенттігі.
ҚТЖ-ның қазіргі таңда қандай жұмыстар атқарып жатқанын және жолаушы қауіпсіздігін қамтамассыз ету шаралары туралы "Қазақстан темір жолы" АҚ басқарма төрағасының орынбасары Қанат Алмағамбетов айтып берді. Қазіргі таңда барлық күш жолаушы пойызына жұмылдырылатынын жеткізді ол.
"Егер менің пікірімді білгілеріңіз келсе: қазіргі таңда пойызбен жүрген бұрынғыға қарағанда әлдеқайда қауіпсіз. Өйткені қазір полицияның, көлік прокуратурасының және біздің басшылықтың тексерулері жүргізіліп жатыр. Қазіргі таңда күштің барлығы пойыздарды тексеруге жұмылдырылған. Күнде мониторинг жүргізіледі. Қаншасын тексердік, қанша билетсіз жолаушы анықталды, жолсеріктің жұмысында қандай кемшіліктер таптық соның барлығын саралап отырамыз. Бұл тексерулер мен қадағалауларды қатайтуға үлкен себеп болды", - дейді Қанат Алмағамбетов.
Сонымен қатар, ол қазіргі таңда орын алған оқиғаны болдырмау үшін тек ҚТЖ тарапынан ғана емес, мемлекеттің қауіпсіздік органдары тарапынан да үлкен жұмыстар атқарылып, бір жүйеге келтіріліп жатқанын айтты.
