Алматы облысының тұрғыны дәріханада капельница салғызамын деп көз жұмды, деп хабарлайды Stan.kz ақпарат агенттігі КТК арнасына сілтеме жасап. 

Алматы облысында дәріханада қайтыс болған әйелдің туыстары жауапты адамдарды жазалауды талап етеді. 52 жастағы Раушан Тазабекова емдеу бөлмесіндегі капельницадан кейін қайтыс болды. Отбасы содан бері бір жыл өтті, бірақ олар бұл мәселеге нүкте қоймады деп шағымданып отыр. Сонымен қатар, тергеу барысында сот-медициналық сарапшысы мәйітті толық зерттемегені және нәтижесінде дұрыс емес қорытынды шығарғаны белгілі болды.
Раушан Тазабекованың қайтыс болғанынан бері бір жарым жыл өтті, бірақ оның үйінде аза тұту әлі де жалғасуда.
"Ешкімнің кінәлі емес екенін естіп жүрміз. Жүректен кетті дейді. Бірақ мен Раушанмен жиі кездесіп тұратынмын, ол жүрегіне шағым айтпайтын", - дейді Дүйсен Жүнісов. 
Қайғылы оқиға былтырғы жылдың наурыз айында Жаркент қаласында орын алған. 52 жастағы Раушан Тазабекова капельница қойғызу үшін дәріханаға келеді. Келіншекке ем-домды ауруханадағы дәрігер-терапевт жазып берген. Біраз уақыттан кейін Раушанның жағдайы нашарлап, жедел жәрдем келгенше көз жұмған. Белгілі болғандай науқасқа құйылған дәрі бүйрекке арналған болып шықты. Ал шын мәнінде Раушан Тазабекованың бауыры ауырған. Көз жұмған келіншектің туысқандары мамандардың қорытындысы таңқалдырған. Олар науқасты жүрек талмасынан көз жұмды деп жазып берген.
"Мұсылман үшін эксгумация - бұл қиын, жауапты қадам. Бірақ біз шындықты дәлелдеу үшін осындай қадамға бардық. Біз әлі күнге дейін аза тұтып жүрміз. Бір жарым жыл өтті. Қалайша сарапшы қате қорытынды шығарды. Кінәлілер жазаланғанын қалаймыз", - дейді Раушанның әпкесі Рахат Тазабекова.
Қазір терапевт пен фармацевт сыртқа шықпауға қол қойған. Клиникадағы дәрігер жұмыс істемейді. Ал Раушан Тазабековаға капельница еккен дәріхана, оның туыстарының айтуы бойынша, әлі жабылған жоқ.
"Алғашқы тексерулер кезінде қарама-қайшылықтар болғандықтан, қылмыстық іс бойынша Алматы облысы прокуратурасының нұсқауы бойынша екінші сот-медициналық сараптама комиссиясы тағайындалды. Әзірге ешқандай қорытынды жасалған жоқ", - дейді Алматы облысы полиция департаментінің тергеу жұмыстары бойынша басшысының орынбасары Болат Идиалов. 

https://stan.kz