"Дұрыс тамақтану-денсаулық кепілі"
Н.Ә. Назарбаевтың «Адамның денсаулығы - қоғамның байлығы. Қазақстанда тұратын әрбір азаматтың хал-ахуалы жақсы, денсаулығы мықты болу керек» деген бастамасына орай Жалағаш ауданы, Бұқарбай батыр ауылындағы № 33 орта мектепте «Nur Otan» партиясы Жалағаш аудандық филиалының партиялық бақылау комиссия мен Балалардың құқықтарын қорғау жөніндегі Жалағаш аудандық жұмысшы тобының мұйымдастыруымен «Дұрыс тамақтану-денсаулық кепілі» тақырыбындағы ашық тәрбие сағаты өткізілді.Тәрбие сағатының мақсаты:
• балалар мен жасөспірімдердің дұрыс тамақтануын қалыптастыру,
• олардың тамақтану мәдениетін сақтау арқылы тамақтанудың денсаулыққа тиімді әсерін кеңінен түсіндіру,
• табиғи тағам өнімдерінің пайдасы туралы мағұлымат беру,
• тамақтанар алдынадағы санитарлық талаптың сақталуын үйрету
• тағам әзірлеудің әдістерін түсіндіру,
• тамақтанған кездегі дұрыс отырып тамақтанудың маңыздылығын егжей тегжейлі түсіндіру.
Тәрбие сағатына ұйымдастырушылармен бірге аудандық әйелдер кеңесінің төрағасы Ә.Мәдиева, аудандық білім бөлімінің мамандары және ыстық тамақпен қамтылған балалардың аналары балаларымен қатыстырылды.
Мектеп бойынша 338 баланың 38 отбасының 55 баласы яғни 16,2 пайызы қамтылған.
Дұрыс тамақтану өсіп келе жатқан жас организмге тек өмірлік процестерді ғана қолдану үшін емес, сонымен бірге бүкіл организмнің өсу, даму, қалыптасу процесіне қажет.
Аталмыш шарада оқушылар мен аналары дұрыс тамақтанудың үлгісі ретінде сахналық қойылымдар, қол жуудың халықаралық стандарты және адам ағзасына пайдалы тамақтармен дастарханның жайылу үлгісі көрсетті және оқушыларға екі апталық тамақ көремесі ұйымдастырылды.
Іс-шара басында салауатты өмір салтын сүру үшін дұрыс тамақтанудың да үлкен маңыздылығы бар екендігі туралы, дұрыс тамақтанудың денсаулыққа әсері жайлы және тиым салынған тағамдармен рұқсат етілден тағамдар туралы Қоғамдық денсаулық сақтау басқармасының маманы Г.Жалғасова оқушылар мен аналарға кеңінен түсіндерме жұмыстарын жүргізді.
Білімді өскелең ұрпақты тәрбиелеуде салиқалы, салауатты өмір салтын насихаттау, аталған бағдарламаның іске асуына серпіліс беріп жүрген «Nur Otan» Жалағаш аудандық филиалы төрағасының бірінші орынбасары Қ.Мұстафаева аталмыш шараның тәрбиелік мағынасы зор екенін айтып, ашық тәрбие сағатын қорытындылады.
