Қызылорда облысында майор әйел пара алған жерінен ұсталды (видео)

Қызылорда облысында аудандық полицияның көші-қон қызметінің басшысы пара алды деп күдіктелуде. Сыбайлас жемқорлыққа қарсы күрес қызметі оның тұтқындалған сәтінің видеосын жариялады, деп хабарлайды Stan.kz ақпарат агенттігі.

«Сыбайлас жемқорлыққа қарсы күрес қызметі ҰҚК-ның Қызылорда облыстық департаментімен бірге Шиелі ауданы полиция бөлімінің көші-қон қызметінің басшысының сыбайлас жемқорлыққа барғанын әшкереледі», - делінеді хабарламада. 
Ведомство мәліметінше, көші-қон қызметінің басшысы Өзбекстанның 15 азаматын заңсыз тіркеп, көші-қон кәртішкесін біргені үшін, жеке кәсіпкерден 75 мың теңге пара алды деп күдіктеліп отыр. 
Күдіктінің кінәсінің дәрежесі туралы шешімді сот шығаратын болады. 


stan.kz