Ресейлік жанұяның Тәжікстанға жасаған сапары қайғылы жағдаймен аяқталуға сәл қалды. Себебі, Қызылорда тас жолында ерлі-зайыптылар байқаусызда 9 жастағы ұлын үмытып кеткен деп хабарлайды KAZ.NUR.KZ.

1 ақпан күні түнгі сағат 23:00-ден кеткенде Қызылорда облысындағы тас жолдан бір бала табылды.
9 жастағы мектеп оқушысын тәртіп сақшылары байқап қалған.
Бұл туралы мәліметті Polisia.kz ресми құқық қорғау ресурсы таратты.

Баламен сөйлесу барысында тәртіп сақшылары жасөспірімнің ата-анасымен бірге жолға шыққанын анықтады.

9 жастағы мектеп оқушысының айтуынша, ол көлікте ұйықтап, бір жерге тоқтағанда ғана оянған.

Көлікте ешкім жоқ екенін көрген бала дәретханаға баруды жөн көріпті.

Осы уақытта ерлі-зайыптылар жеке транспортарына қайта отырып, әрі қарай аттана берген. Ал ұлдары ата-анасының артынан айқайлап қала берді.

Олар ұлы көліктің артында ұйықтап отыр деп ойлапты.

Ерлі-зайыптылар ұлдарының жоғалғаны туралы көлігін полиция тоқтатқан уақытта ғана білген.

Сондай-ақ, бұл жанұяның Ресейден екендігі және Тәжікстанға бара жатқаны белгілі болды.

Тәртіп сақшылары жолда қалған баланың және ерлі-зайыптылардың туыстық қатынастарын растайтын құжаттарды тексерді.




kaz.nur.kz