» » Жапониядағы круиз лайнеріндегі төрт қазақстандық Нұр-Сұлтанға келді

Жапониядағы круиз лайнеріндегі төрт қазақстандық Нұр-Сұлтанға келді

© REUTERS


Жапонияда коронавирус таралған круиз лайнерінде төрт қазақстандық Нұр-Сұлтанға келді, - деп хабарлайды Tengrinews.kz тілшісі Денсаулық сақтау министрлігінің баспасөз қызметіне сілтеме жасап.

"Кеше 2:30-да Нұр Сұлтан қаласына Токио қаласынан 20 қазақстандық азамат келді (оның ішінде 4 адам – Diamond Princess жапон лайнерінің жолаушылары). Барлығы медициналық және зертханалық тексеруден өту үшін ауруханаға жеткізілді. Денсаулық жағдайы қанағаттанарлық", - делінген министрліктің хабарламасында.

Министрліктің мәліметінше, 2020 жылғы 6 қаңтардан 23 ақпанға дейін елімізге 30 066 адам келді. Бүгінгі күнге дейін ЖРВИ белгілерімен 165 адам көпшіліктен оқшауланып, емдеуге жатқызылды, оның 158 шығарылды, стационарларда медициналық бақылауда 7 адам қалды.

kaz.tengrinews.kz
24 ақпан 2020 ж. 384 0