Қазақстанда қашан күн жылынады?

«Қазгидромет» РМК 2018 жылдың 3-5 наурызына ауа райы болжамын жариялады, деп хабарлайды ҚазАқпарат.

«Қазақстанға еліміздің аумағы арқылы қатты жылдамдықпен өтетін суық антициклон ауысты. Өткен тәулікте республиканың солтүстік бөлігінде ауа температурасы 3...8°С-қа дейін төмендеді. Сол себепті сенбі күні солтүстік, орталық және шығыс облыстарда ауа райы аязды, жауын-шашынсыз болады, ауа температурасы нормадан төмен болуы ықтимал», - делінегн синоптиктердің хабарламасында.
4-5 наурызда антициклонның орнына Ресейдің еуропалық бөлігі мен Каспий теңізінен циклондар ауысып, ауа температурасы жоғарылайды.
Сонымен қатар, көптеген облыстарда жауын-шашын, тұман түсіп, көктайғақ күтілуде.