Әлемде коронавирус жұқтырғандар саны миллионға жуықтады
![](https://syrboyi.kz/uploads/posts/2020-04/1585718120_shara2.jpg)
Covid-19 вирусын жұқтырушылар саны күн санап өсіп келеді. Сонымен қатар оның тарау жылдамдығы да артты. Джон Хопкинс университетінің мәліметтері бойынша, әлем бойынша қауіпті вирусты жұқтырушылар саны соңғы үш күн ішінде 128 мың адамға жетті.
Ақпанның ортасында вирус жұқтырушылар саны тәулігіне орташа алғанда 2-3 мың адамды құрады. Егер вирустың тарауы осы қарқынмен жалғаса берсе, осы аптаның соңында-ақ әлем бойынша коронавирус жұқтырғандар 1 миллион адамға жетеді (сейсенбі күні олардың саны 800 мың болған).
1 сәуір күнгі таңдағы мәліметтер бойынша әлемде вирус жұқтырғандар саны 859991 (+73185 тәулігіне) адамды құраған, қайтыс болғандар — 42148 (+4324), сауығып шыққандар — 178100 (+12493) адам.