Карантинде жиі алынған заттар аталды

Канадалық сарапшылардың деректеріне сүйенсек, барлық мемлекетте дерлік карантин кезінде бір рет қолданатын қолғап пен нан пісіретін пештерді сатып алу 670 және 652 пайызға өскен,  - деп хабарлайды "Хабар 24".

Бұдан бөлек адамдар көбіне жөтелге қарсы дәрі, консервілер, медициналық маскалар және антисептиктер алған.

"Бидай өнімдеріне қатысты қанша дүрбелең болса да, олардың арасында күрішке деген сұраныс жоғары болған. Ал отандық интернет сатылым нарығына келер болсақ, қазақстандықтар жыл басынан бері отандық электрон алаңдарының бірінде 69 миллиард теңгеге 900 мыңнан астам тауарды онлайн-сатып алған. Карантин кезінде шаш қиятын құрал, гүлзарға арналған құрылғы және еденге қойылатын таразылар ең жиі сатылған тауарлардың көшін бастап тұр", - деп жазды басылым.

Сондай-ақ дүние жүзінде онлайн-сатылым айтарлықтай өскен.
Еске салайық, бұған дейін қазақстандықтардың карантин кезінде ақшаны қайда жұмсағаны белгілі болған.