Хабарламалар мен әлеуметтік желілердегі 42 500 теңге төлеміне өтінімдерді қабылдау басталғаны туралы ақпарат жалған. Бұл туралы ҚР еңбек және халықты әлеуметтік қорғау министрлігі хабарлады.

«Хабарламалар мен әлеуметтік желілерде таратылатын 42 500 теңге мөлшерінде мемлекеттік әлеуметтік сақтандыру қорынан біржолғы төлем алуға өтініштер қабылдау үшін веб-сайттың іске қосылғаны туралы ақпарат шындыққа жанаспайды», - делінген министрліктің Facebook парақшасында.
Қазақстан Республикасы еңбек және халықты әлеуметтік қорғау министрлігі COVID-19 ауруының жағдайын тұрақтандыру жөніндегі шектеулі шаралардың енгізілуіне байланысты табысын жоғалтқан азаматтарға біржолғы төлем жасау ережелерін әзірлеуде.
«Біржолғы төлемді тағайындау туралы өтініштерді қабылдау 17 шілдеде басталады деп жоспарлануда. Біржолғы төлем 20 шілдеден басталады деп тағайындалады.  Азаматтардан жалған мәліметтерге назар аудармауын және ақпаратты тек ресми дереккөздерден оқуын сұраймыз. Жалған ақпарат таратқаны үшін заңмен жауапқа тартылатындығын ескертеміз», - деп толықтырды ҚР еңбек және халықты әлеуметтік қорғау министрлігінің баспасөз қызметі.