2020 жылғы 3 қазанда 2006 жылғы үлгідегі номиналы 2000, 5000 және 10000 теңге болатын банкноттарды айырбастау мерзімі аяқталады, деп хабарлайды Stan.kz ақпарат агенттігі Ұлттық банктің баспасөз қызметіне сілтеме жасап.

Әзірге қолма-қол айналымнан алынған банкноттарды ұлттық валютаның жарамды банкноттарын айырбастау тек Ұлттық банктің филиалдарында жүзеге асырылады.
"2006 жылғы үлгідегі банкноттарды кезең-кезеңімен ауыстыру және алу 2016 жылдың қарашасында басталды. Осы банкноталардың айналым мерзімі аяқталғаннан кейін ағымдағы жылдың 3 қазанында Ұлттық банктің филиалдары оларды қабылдамайды және қолданыстағы банкноттарға айырбастайды. Осы күнге дейін банкноттарды Ұлттық банктің барлық аймақтық филиалдарында айырбастауға болады", - деп түсіндірді Ұлттық банктің қолма-қол ақша айналымы департаментінің директоры Жомарт Қажмұратов.
Ұлттық Банк филиалдарының мекен-жайлары мен байланыстары туралы ақпаратты қаржылық реттеушінің веб-сайтынан алуға болады.