Түркістан облысында келіні қайын атасының есепшотындағы ақшасын ұрлап келген
Түркістан облысында келіні қайын атасын алдамақ болған жерінен ұсталды, деп хабарлайды Stan.kz ақпарат агенттігі Polisia.kz порталына сілтеме жасап.
Созақ ауданының тұрғыны оның банктік карточкасынан белгісіз адам 40 мың теңгеге жуық ақшасын заңсыз аударып алғанын айтып полицияға шағымданған. Сөйтсе, арыз берушінің банктік карточкасынан өзінің келіні ақша ұрлаған болып шыққан.
"Тергеу барысында келіні қайын атасының ақшасын, ұялы телефондағы банктік қосымша арқылы аударып алғаны белгілі болды. Қазіргі таңда полицейлер оқиғаның толық мән-жайын анықтауда. Бас шарасы міндеттемемен босатылды", -делінген ресми хабарламада.
Өз кезегінде полицейлер өздеріңіздің жеке банктік деректерді құпияда сақтаған жөн деп ескертті.
stan.kz
