МАҚСАТ – ҚЫЛМЫСТЫ БОЛДЫРМАУ

Темір жол саласында құқық бұзушылықтың алдын алып, қылмысты болдырмауға Жалағаш станциясындағы желілік полиция бөлімшесі қызметкерлері жауапты. Тәулік бойлы мұндағы қоғам тыныштығын қамтамасыз ететін сала қызметкерлері қылмыстың алдын алуда түрлі іс-шаралар ұйымдастырылып, халыққа, жолаушыларға ұдайы түсіндірме жұмыстарын жүргізіп отырады.

Жуырда станцияға жауапты сала қызметкерлерінің ұйымдастыруымен зорлық-зомбылықтың алдын алуға арналған “Stop Trafic”  профилактикалық іс-шарасы басталды. Екі күнге жалғасатын шара барысында желілік полиция бөлімшесінің қызметкерлері мұнда түсіндірме жұмыстарын жүргізу арқылы қоғам тыныштығын қамтамасыз етеді. 10 қараша күні басталған шара бүгін қорытындыланды.

Кәжданбек ӘЛИЕВ,
Жалағаш станциясы ЖПБ бастығы,
полиция майоры