Әлемде жалған вакциналау сертификатының саудасы қызып жатыр, деп хабарлайды «Хабар 24».

Check Point Research IT компаниясы өзінің есебін жариялады. Бүгінде жаһанның 29 мемлекетінде вакциналаудың жалған құжаты саудаланады. 9 мемлекет бұл тізімге тақауда қосылған. Мұндай көз бояушылыққа Италия, Франция, Испания, Португалия, Германия сынды кәрі құрлық елдері және Индонезия, Үндістан, Сингапур мен Таиланд тұрғындары барады.

Тамыз айында Telegram арнасында жалған сертификат сату жөнінде мыңға жуық ұсыныс жасалса, қыркүйекте оның саны 10 мыңға дейін өскен. Факт чек арнасы жариялаған мәліметке сәйкес, жалған құжаттың бағасы әрқилы: 85-тен 200 долларға дейін жетеді.