» » РЕФЕРЕНДУМНЫҢ МАҢЫЗДЫЛЫҒЫ БОЙЫНША КЕЗДЕСУ ӨТТІ

РЕФЕРЕНДУМНЫҢ МАҢЫЗДЫЛЫҒЫ БОЙЫНША КЕЗДЕСУ ӨТТІ

Мемлекет басшысы Қасым-Жомарт Кемелұлының халыққа арнаған Жолдауында Конституциялық Сот құрылады деп атап өтті. Енді нормативтік-құқықтық актілер олардың конституциялық құқықтарын бұзады деп санайтындардың бәрі Конституциялық Сотқа жүгініп, қорғауға ие бола алады. Бұл біздің азаматтарымыз үшін жаңа мүмкіндік. Конституциялық Соттың мұндай моделі көптеген дамыған елдерде бар және ол заңның үстемдігін орнатуға мүмкіндік береді.

Сонымен қатар, Конституциялық Сотқа жүгіну құқығына Бас Прокурор мен Адам құқықтары жөніндегі уәкіл ие болады.

Бұл азаматтардың конституциялық құқықтарының бұзылуымен жиі бетпе-бет келіп, нормативтік-құқықтық актілердің Конституцияға сәйкестігі туралы мәселені көтере алатын адамдар. Бұл туралы Республикалық штаб мүшесі, «AMANAT» партиясы депутаттық фракциясының мүшесі Ғалым Әміреев Жалағаш аудандық қоғамдық кеңес мүшелері және жастармен өткен кездесуде айтып өтті. Келелі кездесуде алдағы өткелі тұрған жалпыхалықтық референдумның маңыздылығы айтылды.

Ел тағдырын айқындайтын осынау маңызды шақта ешкім шет қалмауға тиіс. Барша халық тарихи таңдауды жасауда бір болатынына сенемін. Еліміздің болашағы біз бен сіздің қолда – деді Ғалым Әміреев.

Аталмыш кездесуге аумақтық штаб төрағасы, партияның аудандық филиалының Атқарушы хатшысы Қаншагүл Мұстафаева, аумақтық штаб мүшелері, Жалағаш аудандық мәслихаттағы «AMANAT» партиясы депутаттық фракциясының мүшелері Гүлжайна Айтжанова, Қайрат Досымов және Нарбота Серәлі қатысты.

12 мамыр 2022 ж. 161 0