Бүгін елдің басым бөлігінде көктайғақ, бұрқасын болады

Бүгін атмосфералық фронттардың өтуіне байланысты республиканың басым бөлігінде қар жауады, бұрқасын, тұман, көктайғақ болып, тек қиыр оңтүстік-шығыста ауа райы жауын-шашынсыз болады, деп хабарлайды Baq.kz ақпарат агенттігі Қазгидрометке сілтеме жасап.

Қарағанды облысында жел 15-20, кей жерлерде 25 м/с, жекелеген аудандарда бұрқасын, көктайғақ болуы мүмкін.

Ақмола облысында түнде кей жерлерде, күндіз басым бөлігінде жел 15-20, кей жерлерде екпіні 23-28 м/с, жекелеген аудандарда бұрқасын, көктайғақ болады.

Павлодар облысында түнде кей жерлерде, күндіз басым бөлігінде жел 15-20 м/с, жекелеген аудандарда бұрқасын, көктайғақ болуы ықтимал.

Шығыс-Қазақстан, күндіз Жамбыл облысының кей жерлерінде бұрқасын, көктайғақ, жел 15-20, екпіні 23-28 м/с, Жамбыл облысының кей жерлерінде тұман түседі.

Қызылорда, Оңтүстік Қазақстан облыстарының кей жерлерінде тұман, көктайғақ, жел 15-20, екпіні 25 м/с жетеді.

Қостанай, Ақтөбе, Атырау, Маңғыстау облыстараның кей жерлерінде бұрқасын, тұман, жел 15-20 м/с, Атырау, Маңғыстау облыстарының кей жерлерінде көктайғақ болады.

Солтүстік Қазақстан облысының кей жерлерінде жел 15-20 м/с, күндіз кей жерлерде бұрқасын, көктайғақ болуы мүмкін.

Алматы облысында Жалаңашкөл ауданында жел 15-20 м/с күшейеді.

Батыс Қазақстан облысының кей жерлерінде тұман түседі.