Халықаралық отбасы күніне орай «Әкем, анам және мен!» атты ұранмен аудандық «Наркескен» спорт клубында салааралық бағытта отбасылық сайыс өтті.
Спорттық жарысқа 3 отбасы қатысты. Сайысты аудандық дене шынықтыру және спорт бөлімінің басшысы Н.Ержанов ашып, жарысқа қатысушыларға сәттілік тіледі. Сонымен бірге, аудандық жастар денсаулығы құрылымдық бөлімшесінің дәрігері А.Бектаева салауатты өмір салтын қалыптастыру және отбасы бірлігін нығайту бағытында ұйымдастырылған бұл сайыстың басты ерекшелігін айтып өтті.
Тартысты өткен бәсекеде барлық отбасы да үздік өнер көрсетті. Спорттық ойындардың бірнеше түрінен сынға түсіп, берілген тапсырманы бұлжытпай орындауға тырысты. Десе де сайыс қорытындысы бойынша ұпай санымен алға шыққан Жақанбаевтар отбасы алғашқы орынды еншіледі. Ал келесі орынды Алмағанбетовтер жеңіп алса, жүлделі ІІІ орын Сераливтер отбасына бұйырды.
Шара соңында сайыс жеңмпаздары арнайы дипломдармен марапатталып, бағалы сыйлықтарға ие болды.