Қазақстандық оқушылар үшін бүгін соңғы қоңырау

Бүгін 147 мыңнан астам қазақстандық оқушы соңғы қоңырауға қатысады, деп хабарлайды Baq.kz ақпарат агенттігі zakon.kz сайтына сілтеме жасап.
Мерекелік жиын республикамыздағы барлық мектепте өтеді. Көптеген мектеп түлектері үшін жаңа өмір жолы басталады, бірақ олар ең алдымен ең басты емтихан – ұлттық бірыңғай тест тапсырулары керек. Астананың өзінде ғана 5 870 оқушы мектеп бітіреді.
Осы жылы ұлттық бірыңғай тестке 102 442 түлек қатысады. Оның 75 пайызы тестті қазақ тілінде, 25 пайызы орыс тілінде тапсырады.