Алматылық құммен сурет салатын суретші Мәди Бектайыр кеше ғана қайғылы жағдайда қаза тапқан қазақстандық мәнерлеп сырғанаушы Денис Теннің анимациялық видеопортретін салды.

Денис Тенге арнап естелік сурет салған суретші оны желідегі парақшасында жариялады, деп жазады Stan.kz ақпараттық агенттігі.
Бір минутқа созылатын видеода қазақтың ұлттық аспабының бірі қобыз үнінің сүйемелдеуімен спортшымыздың бейнесі шығады. Суретші алдымен, мұз айдынын бағындырған Денистің мүсінін  түсіреді.
Содан кейін Денистің кескіндеме сурет салады. Қыршыннан қиылған жас спортшыны осылай еске алған суретші, музыкалық әуен аяқталарда оның құмнан салынған бейнесіне қанат қосып, періште секілді етіп көрсетеді.

[media=https://www.facebook.com/sandart.madibekdair/videos/1035033173325882/]

Stan.kz