Қазком клиенттеріне жаңа шот ашудың қажеті жоқ
«БЖЗҚ» АҚ «Қазақстан Халық банкі» АҚ мен «Қазкоммерцбанк» АҚ бірігуі нәтижесінде зейнетақы төлемдерді алу тәртібі қалай болатынын айтты, деп хабарлайды ҚазАқпарат тілшісі.
«Құрметті «Қазкоммерцбанк» АҚ клиенті - «БЖЗҚ» АҚ-дан зейнетақы төлемдерін алушы! «БЖЗҚ» АҚ «Қазақстан Халық банкі» АҚ-ға қосылу арқылы «Қазкоммерцбанк» АҚ-ның ерікті қайта құрылуына байланысты «Қазкоммерцбанк» АҚ және «Қазақстан Халық банкі» АҚ банк шоттарын біріктіру жұмыстарының жүргізілгенін хабарлайды. «Қазкоммерцбанк» АҚ ағымдағы/карталық шоттарына «БЖЗҚ» АҚ-дан зейнетақы төлемдерін алушыларға жаңа банк шотын ашу үшін «Қазақстан Халық банкі» АҚ-ға жүгінудің қажеті жоқ», – дейді қор өкілдері.
БЖЗҚ өкілдері «Қазкоммерцбанк» АҚ-да ашылған карталық шоттар қолдану мерзімдері аяқталғанға дейін жарамды екендігін айтты. Толық ақпаратты halykbank.kz сайтынан немесе тегін 8 800 080 0059 нөмірі арқылы ала аласыз.
