2018 жылы қазақстандықтар қай күндері демалады?
Биыл мерекелерге байланысты қазақстандықтар қанша күн демалады? ҚР Еңбек Кодексіне сай кім қанша сағаттан артық жұмыс істеуге тиісті емес?
Елімізде мереке күндері екіге бөлінеді: ұлттық және мемлекеттік мерекелер. Бұл күндер қазақстандықтар үшін жұмыс күні болып есептелмейді. Егер мереке күндері демалыс күндеріне сай келсе, мерекелік демалыс келесі жұмыс күніне ауысады.
Қазақстан Республикасының мереке күндері:
Ұлттық мереке:
- Тәуелсіздік күні – 16 – 17 желтоқсан;
Мемлекеттік мерекелер:
- Жаңа жыл – 1–2 қаңтар;
- Халықаралық әйелдер күні – 8 наурыз;
- Наурыз мейрамы – 21–23 наурыз;
- Қазақстан халықының бірлігі күні – 1 мамыр;
- Отан қорғаушылар күні – 7 мамыр;
- Жеңіс күні – 9 мамыр;
- Астана күні – 6 шілде;
- Конституция күні – 30 тамыз;
- Қазақстан Республикасының Тұңғыш Президенті күні – 1 желтоқсан.
Аптасына бес күн жұмыс істейтіндер 1 желтоқсаннан 3 желтоқсанға дейін, 16 желтоқсаннан 18 желтоқсанға дейін; алты күн жұмыс істейтіндер 6 желтоқсаннан 18 желтоқсан аралығында демалады.
2018 жылы Құрбан айт мерекесінің бірінші күні 21 тамызға келеді.
Өндірістік жоспар бойынша 2018 жылы жұмыс уақытының нормасы төмендегідей болмақ:
Аптасына 40 сағат жұмыс істейтіндер үшін: | |
бес күндік жұмыс уақыты | 1968 сағат (246 күн * 8,00 сағат) |
алты күндік жұмыс уақыты | 1984 сағат (247 күн * 7,00 сағат + 51 күн * 5,00 сағат) |
Аптасына 36 сағат жұмыс істейтіндер үшін: | |
бес күндік жұмыс уақыты | 1771,2 сағат (246 күн * 7,20 сағат) |
алты күндік жұмыс уақыты | 1788 сағат (298 күн * 6,00 сағат). |
Айта кетейік, ҚР Еңбек Кодексінің 68-бабы бойынша, жұмыс уақытының қалыпты ұзақтығы аптасына 40 сағаттан аспауға тиіс.
Cондай-ақ осы Кодекстің 68-бабында көрсетілгендей, әр түрлі жастағы, санаттағы адамдар үшін жұмыс уақыты белгіленген:
- 14 жастан 16 жасқа дейінгі жұмыскерлер үшін – аптасына 24 сағаттан аспайтын;
- 16 жастан 18 жасқа дейінгі жұмыскерлер үшін – аптасына 36 сағаттан аспайтын жұмыс уақытының қысқартылған ұзақтығы белгіленеді.
Ал ауыр жұмыстарда, зиянды немесе қауіпті жерлерде жұмыс істейтіндер үшін аптасына 36 сағаттан аспайтын жұмыс уақытының қысқартылған ұзақтығы белгіленеді.
Сондай-ақ, І және ІІ топтардағы мүгедек қызметкерлерге жұмыс уақыты аптасына 36 сағаттан аспауы қажет. Әрі олардың күнделікті жұмысының (жұмыс ауысымының) ұзақтығы жеті сағаттан аспайды.
Осы Кодекстің 79-бабында көрсетілгендей, жұмыс беруші қызметкердің нақты жұмыс істеген уақытын есепке алуды жүргізуге міндетті.
https://baribar.kz
Пікір 2