Ыстықкөлде көз жұмған қазақстандық азаматтың өлімі неден болғаны анықталды

Ыстықкөлде көз жұмған қазақстандық азаматтың өлімі неден болғаны анықталды

Сот-медициналық сараптамасының қорытындысы Ыстықкөлде көз жұмған Қазақстан азаматы жүрек талмасынан қайтыс болғанын анықтаған. Отандасымыздың өлімін Сыртқы істер министрлігі растап отыр деп хабарлайды ҚазАқпарат.

Ведомствоның мәлметінше, Ыстықкөл жағалауындағы Бостері кентінде қаза болған 1979 жылғы азамат қырғыз еліне демалуға Шымкенттен барған екен.
Марқұмның денесін туыстары бүгін алып кетеді. Оларға консул барлық қажетті көмекті көрсетуде.
Еске сала кетейік, бүгін Қырғызстанның жергілікті БАҚ өкілдері Ыстықкөлде Қазақстан азаматының қайтыс болғанын хабарлаған еді.

nur.kz