Өскеменде зейнеткердің 12 млн теңгесін тонап кеткен қарақшы ұсталды

Ішкі істер министрлігінің ресми өкілі Алмас Садубаев өткен аптадағы болған ең сорақы қылмыстарды атады деп хабарлайды AltayNews.kz-ке сілтеме жасаған NUR.KZ.

"Демалыс күні Астана қалалық ішкі істер департаменті есірткі бизнесімен күрес басқармасының қызметкерлері бұған дейін сотты болған елорда тұрғынын ұстады. Оның тұрғылықты мекен-жайынан 15 келіден астам есірткі заты тәркіленді", – деді Алмас Садубаев.

Сонымен қатар, Алматы қалалық ІІД криминалдық полиция қызметкерлері жеке кәсіпкерге қарулы шабуыл жасаған екі күдіктіні қолға түсірген. Олар зардап шегушіден 10 млн теңге тартып алған.
Ал Өскемен қаласында зейнеткердің 12 млн теңгесін тонап кеткен облыс тұрғыны ұсталды. Ол бұған дейін де сотты болған.

NUR.KZ.