Туыстары 29 жастағы өскемендік жігітті бір айдан бері таппай отыр (фото)

Өскемен қаласының тұрғыны Дәурен Қасымовты туыстары бір айдан бері іздеп жатыр. Көрші елге жұмыстарымен кеткен ер адамнан әлі күнге дейін хабар жоқ деп жазады Устинка LIVE-қа сілтеме жасаған NUR.KZ.

Із-түзсіз кеткен 29 жастағы жігіттің әпкесінің сөзінше, Дәурен шілде айының соңында Мәскеуге жұмыстарымен кеткен. Алайда 8 тамызда байланыс үзіліген. Содан бері оның ұялы телефоны да сөндірулі тұр.

Қазір ер адамның туыстары бауыры үшін алаңдап, жандарын қоярға жер таппай отыр. Себебі ол ешқашанда бұлай хабарсыз кетпеген екен.

Із-түзсіз кеткен Дәурен Қасымовтың белгілері: Қоңыр көзді, бойы 184 см. Ерекше белгісі оң жақ бетінде қалы бар.

Егер Дәуренге қатысты қандай да бір ақпарат білетін болсаңыз мына нөмірге хабарласаңыз: 8 778 707 63 72.

nur.kz