ӘДЕМІЛІКТІҢ АРТЫНАН ҚУЫП, ӘЛЕККЕ ТҮСІП ЖҮРМЕҢІЗ
Сұлулыққа сүйсінбейтін, әсемдікке сұқтанбайтын жан жоқ шығар, сірә! Сұлу болып көріну, бір көргеннен адамға жақсы әсер қалдыру әр бойжеткеннің арманы-ақ. Дегенмен, сұлу келбет, мінсіз мүсін бәріне бірдей берілген емес. Алланың жасап берген бейнесіне көңілі толмай, артық қыламын деп, тыртық қылып жүргендер қаншама?! Біздің бүгінгі әңгімеміз жасанды сұлулық турасында өрбімек...
АЗАМЫН ДЕП, ТОЗЫП КЕТПЕҢІЗ
ТЫРНАҚ БАР ЖЕРДЕ, ТАЗАЛЫҚ ЖОҚ
Бақытымызға орай, жасанды тырнақ сәннен кетті. Әй, бірақ, адамнан айла ауысқан ба? Оның орнына одан да зияны көп гелді жақпалар шықты. Мұны білмейтін, қолданбайтын қыз-келіншек аз болар. Сән салондарына барсаңыз, өз тырнағыңызға қалаған түсіңізді жағып, бетіне түрлі өрнектер салып береді. Бұл гелді жақпа кем дегенде бір ай тұрады. Енді зиянын айтып көрелік.
Әріге бармай күнделікті бой дәретін айтсақ та жеткілікті. Тырнақ астына су кірмесе, тазалық жоқ. Қабат-қабат жағылған гелді нәрсе тырнақ арасына ауа жібермей, жан-жағын мықтап бітеп, ақырында тырнақ зеңін тудыруы ықтимал. Саусақтарыңыз уақытша әдемі көрінгенімен, айтарлықтай зияны қалады. Тырнақ гелді бояудан кейін әлсіз, тез сынғыш, өте құрғақ болып кетеді. Қалыпты сырт келбетін де жоғалтады. Себебі, гелді лак өздігінен кеппейді. Оны ультракүлгін сәулемен кептіреді. Осы кезде тырнақтың беткі қабаты еріп, жақпамен бірге қатады. Кейін гелді бояуды кетірген кезде осы беткі қабатынан да айырылып қаласыз. Осы бояуды жиі қолдансаңыз, тырнағыңыз біртіндеп жұқара түседі. Мамандардың сөзіне сүйенсек, тырнаққа жасалған әр маникюрдан кейін кем дегенде 3 ай үзіліс жасаған дұрыс. Әдеміліктің артынан қуып, әлекке түсіп қалмаңыз. Барлығы өз қолыңызда.
ЖАСАНДЫЛЫҚ ЖАНАРЫҢЫЗДАН АЙЫРМАСЫН
Денедегі артық салмақтан арылу үшін қол қусырып қарап отырып армандау жеткіліксіз. Егер сіздің толықтығыңыз туа бітті болмаса, онда арықтау үшін мүмкіндіктеріңіз көп болмақ. Алдымен артық салмақтан арылу үшін диетаның көмегіне жүгініп көріңіз. Дұрыс таңдалған диета сізге көмектесуі әбден мүмкін.
Диетаның түрі көп. Бірақ, денсаулығыңызға аса мән бергеніңіз жөн. Себебі, денсаулық сақтау саласының мамандары артық салмақтан арыламын деп, оңды-солды әдістерді қолданып, не болмаса күні бойы нәр татпай жүргендердің айықпас науқасқа шалдығып қалуы мүмкіндігін ескертеді. Қысқасы, артық салмақ неден болады? Осыны ойлаған дұрыс секілді. Артық салмақ тағам талғамағаннан, майлы, қуырылған жеңіл-желпі тамақтана салғаннан, газды сусындарды көп ішкендіктен жиналады. Ең дұрысы, диетологтар фитнес залдарға барып уақытылы жаттығумен айналысуды және тамақтану мерзімін бір жүйеге қоюды ұсынады. Егер фитнес залдарға баруға қалтаңыз жұқа болса, үй жағдайында да жасалатын жаттығулармен орын ауыстыруға болатынын айтпақпыз. Жаттығуларды таңертең жасаған тиімді. Бірақ, нәтижесін тез көргім келеді деп, денсаулығыңызға зиян келтіріп алмаңыз. Бұл әдісті терең тыныс алудан, қолды көтеріп-түсіруден бастаған абзал. Аяққа арналған жаттығулардың ішінде велосипед тебу, бір орында тұрып секіру мен орында тұрып жүру жақсы көмектеседі. Ең бастысы, асықпаңыз, сабырмен, ақылмен жасаңыз. Міндетті түрде нәтижесін көретініңіз анық.
Ескере кететін жайт, қанша толық болсаңыз да салмақ азайтатын дәрі-дәрмектерді қолданудан аулақ болыңыз. Естіп-көріп жүргеніміздей, дәрілік заттардың салмақ тастауда аса пайдасы жоқ. Салмағыңыз сіз ойлаған көрсеткіштен де төмен түсіп кетуі мүмкін. Ақырында, дәріңіз ем емес, дертке айналмасын. Қысқасы, азамын деп, тозып кетуіңіз ғажап емес.
Диетаның түрі көп. Бірақ, денсаулығыңызға аса мән бергеніңіз жөн. Себебі, денсаулық сақтау саласының мамандары артық салмақтан арыламын деп, оңды-солды әдістерді қолданып, не болмаса күні бойы нәр татпай жүргендердің айықпас науқасқа шалдығып қалуы мүмкіндігін ескертеді. Қысқасы, артық салмақ неден болады? Осыны ойлаған дұрыс секілді. Артық салмақ тағам талғамағаннан, майлы, қуырылған жеңіл-желпі тамақтана салғаннан, газды сусындарды көп ішкендіктен жиналады. Ең дұрысы, диетологтар фитнес залдарға барып уақытылы жаттығумен айналысуды және тамақтану мерзімін бір жүйеге қоюды ұсынады. Егер фитнес залдарға баруға қалтаңыз жұқа болса, үй жағдайында да жасалатын жаттығулармен орын ауыстыруға болатынын айтпақпыз. Жаттығуларды таңертең жасаған тиімді. Бірақ, нәтижесін тез көргім келеді деп, денсаулығыңызға зиян келтіріп алмаңыз. Бұл әдісті терең тыныс алудан, қолды көтеріп-түсіруден бастаған абзал. Аяққа арналған жаттығулардың ішінде велосипед тебу, бір орында тұрып секіру мен орында тұрып жүру жақсы көмектеседі. Ең бастысы, асықпаңыз, сабырмен, ақылмен жасаңыз. Міндетті түрде нәтижесін көретініңіз анық.
Ескере кететін жайт, қанша толық болсаңыз да салмақ азайтатын дәрі-дәрмектерді қолданудан аулақ болыңыз. Естіп-көріп жүргеніміздей, дәрілік заттардың салмақ тастауда аса пайдасы жоқ. Салмағыңыз сіз ойлаған көрсеткіштен де төмен түсіп кетуі мүмкін. Ақырында, дәріңіз ем емес, дертке айналмасын. Қысқасы, азамын деп, тозып кетуіңіз ғажап емес.
Бақытымызға орай, жасанды тырнақ сәннен кетті. Әй, бірақ, адамнан айла ауысқан ба? Оның орнына одан да зияны көп гелді жақпалар шықты. Мұны білмейтін, қолданбайтын қыз-келіншек аз болар. Сән салондарына барсаңыз, өз тырнағыңызға қалаған түсіңізді жағып, бетіне түрлі өрнектер салып береді. Бұл гелді жақпа кем дегенде бір ай тұрады. Енді зиянын айтып көрелік.
Әріге бармай күнделікті бой дәретін айтсақ та жеткілікті. Тырнақ астына су кірмесе, тазалық жоқ. Қабат-қабат жағылған гелді нәрсе тырнақ арасына ауа жібермей, жан-жағын мықтап бітеп, ақырында тырнақ зеңін тудыруы ықтимал. Саусақтарыңыз уақытша әдемі көрінгенімен, айтарлықтай зияны қалады. Тырнақ гелді бояудан кейін әлсіз, тез сынғыш, өте құрғақ болып кетеді. Қалыпты сырт келбетін де жоғалтады. Себебі, гелді лак өздігінен кеппейді. Оны ультракүлгін сәулемен кептіреді. Осы кезде тырнақтың беткі қабаты еріп, жақпамен бірге қатады. Кейін гелді бояуды кетірген кезде осы беткі қабатынан да айырылып қаласыз. Осы бояуды жиі қолдансаңыз, тырнағыңыз біртіндеп жұқара түседі. Мамандардың сөзіне сүйенсек, тырнаққа жасалған әр маникюрдан кейін кем дегенде 3 ай үзіліс жасаған дұрыс. Әдеміліктің артынан қуып, әлекке түсіп қалмаңыз. Барлығы өз қолыңызда.
Жасанды кірпік – бүгінгі күннің басты сәні. Көзқарасымен талайдың жүрегін жаулағысы келген арулар үшін кірпіктің орны бір төбе. Қалың әрі ұзын кірпік көзіңізді үлкейтіп, еріксіз өзіңізге назар аудартады. Алайда, мұның зиянды жақтары баршылық.
Санамалап айтсақ, алдымен өз кірпігіңізден айырыласыз. Ол – шындық. Екіншіден, кірпік жапсыратын желім көз жанарыңызға өте қауіпті. Байқаусызда, құйылып кетсе не боларын ойлай беріңіз. Сізді жасанды кірпіктің кесірінен жанарынан айырылып жатқандардың жайы алаңдатуы керек. Жоғарыда айтқанымыздай, өз табиғи кірпігіңіз түсіп қалады. Ал, көздің қорғанышы кірпік болмаса, шаң-тозаң, қиқым түскіш келеді. Қоғамда жасандылыққа қатысты оқыс оқиғалар көп болып отыр. Жақында ғана сұлу боламын деп, көз жанарынан айырылып сандалып жүрген қызды естіп едік. Желімнің болмашы тамшысы жанарына зиян келтіріп, бармаған жері, баспаған тауы қалмапты. Сіз де мұны ескеріңіз, жасандылық жанарыңыздан айырмасын.
Түйін: Сұлулық сыры – күтімде. Әдемі болып көріну – өнер. Ал, бұл өнер мектебіне бас сұға алмай жүргендер қаншама? Құрсаудан құтылып, тордан босап шыққан құстай кей аруларымыз шетелден келген бояуларды талғамай тұтынуда. Мақсаты – Алла берген жан сұлулығын көркем мінезбен ұштастыру емес, қайқиған кірпік, жапсырма тырнақ, түрлі бояумен сұлу көріну. Қарлығаштың қанатындай қиылған қара қасты отап болдық. Қастың орнына татуаждың саудасы жүріп тұр. Айта берсек, таусылмайды-ау жасандылық. Не десек те, табиғат берген тазалыққа, жан дүниенің сұлулығына, қазақ қызына тән биязылыққа ештеңе жетпейді. Бәрінің сұрауы бар екенін ұмытпағайсыз.
Нұр НАУАН.
Санамалап айтсақ, алдымен өз кірпігіңізден айырыласыз. Ол – шындық. Екіншіден, кірпік жапсыратын желім көз жанарыңызға өте қауіпті. Байқаусызда, құйылып кетсе не боларын ойлай беріңіз. Сізді жасанды кірпіктің кесірінен жанарынан айырылып жатқандардың жайы алаңдатуы керек. Жоғарыда айтқанымыздай, өз табиғи кірпігіңіз түсіп қалады. Ал, көздің қорғанышы кірпік болмаса, шаң-тозаң, қиқым түскіш келеді. Қоғамда жасандылыққа қатысты оқыс оқиғалар көп болып отыр. Жақында ғана сұлу боламын деп, көз жанарынан айырылып сандалып жүрген қызды естіп едік. Желімнің болмашы тамшысы жанарына зиян келтіріп, бармаған жері, баспаған тауы қалмапты. Сіз де мұны ескеріңіз, жасандылық жанарыңыздан айырмасын.
Түйін: Сұлулық сыры – күтімде. Әдемі болып көріну – өнер. Ал, бұл өнер мектебіне бас сұға алмай жүргендер қаншама? Құрсаудан құтылып, тордан босап шыққан құстай кей аруларымыз шетелден келген бояуларды талғамай тұтынуда. Мақсаты – Алла берген жан сұлулығын көркем мінезбен ұштастыру емес, қайқиған кірпік, жапсырма тырнақ, түрлі бояумен сұлу көріну. Қарлығаштың қанатындай қиылған қара қасты отап болдық. Қастың орнына татуаждың саудасы жүріп тұр. Айта берсек, таусылмайды-ау жасандылық. Не десек те, табиғат берген тазалыққа, жан дүниенің сұлулығына, қазақ қызына тән биязылыққа ештеңе жетпейді. Бәрінің сұрауы бар екенін ұмытпағайсыз.
Нұр НАУАН.
