ҚР Денсаулық сақтау министрлігі Ресейден келген ет өнімдерінің дүкен сөрелерінен алынатынын мәлімдеді. Бұл туралы Stan.kz ақпараттық агенттігі хабарлайды.

Қоғамдық денсаулық сақтау комитеті өнімдердің үлгілеріне зерттеу жұмыстарын жүргізіп, осындай шешімге келді. Қауіпсіздікті бақылау кезінде ет өнімдерінде гигиеналық нормативтер мен ортақ микробты тұқымдануға байланысты техникалық реттемеге қайшы дүниелер табылды.
«ФинИнвест» (РФ) – “Котлетный”,
«СПК Курников» (РФ) – «Натуральный», «Крестьянский» фаршының сынамасы, «Ставропольский бройлер» (РФ) ұсынған бройлер балапандары,
«Микояновский мясокомбинат» (РФ) ұсынған «Особая со шпиком» деп аталатын шұжығы гигиеналық талаптарға сай келмеді.
Қазіргі уақытта сапасыз өнімді шығарған адамдарға қатысты әкімшілік іс қозғалуда. Сонымен қатар, олардың тауарлары тәркіленуде.


http://stan.kz