Алматы облысында ұйымдасқан қылмыстық топтың жетекшісі ұсталды
ҰҚК қызметкерлері Алматы облысында ұйымдасқан қылмыстық топтың жетекшісін ұстады, деп хабарлайды ҰҚК-ның баспасөз қызметіне сілтеме жасап Stan.kz.
Белгілі болғандай, қылмыстық топтың жетекшісі 16 қарашада ұсталған.
«Ұлттық қауіпсіздік комитеті Ішкі істер министрлігімен бірлесіп, Алматы облысы Жаркент қаласында ҚР ҚК 262-бабының 2-бөлімімен (ұйымдасқан қылмыстық топ құру және оған басшылық ету),194-бабының 4-бөлімімен (қорқытып алу) көзделген бірқатар ауыр қылмыс жасады деген күдікпен халықаралық іздеуде тұрған трансұлттық ұйымдасқан қылмыстық топ жетекшісі Жұмат Бегімбетовті ұстады», – делінеді хабарламада.
Қазіргі уақытта жедел-тергеу шаралары жүргізіліп жатыр.
Stan.kz
