Ақтөбелік дәрігерлер Гиннестің рекордтар кітабына енді
Гиннестің рекордтар кітабының комиссиясы ақтөбелік дәрігерлердің қан қысымын өлшеу бойынша рекордын ресми түрде растады, деп хабарлайды ҚазАқпаратқа сілтеме жасап Stan.kz.
Еске сала кетсек, Ақтөбеде қан қысымын өлшеу бойынша көлемді акция 2018 жылдың шілде айында өткен еді. 500 дәрігер 1 сағаттың ішінде 18-60 жас аралығындағы 4 270 тұрғынның қан қысымын өлшеп, оларды алынған мәліметпен таныстырып, тиісті кеңес берді.
Сонымен қатар акцияға облыс әкімі Бердібек Сапарбаев та қатысты. Мұнан кейін облыстық денсаулық сақтау басқармасы бұл оқиғаны Гиннестің рекордтар кітабына енгізу туралы өтініш берген еді.
Айта кетсек, бұған дейін қан қысымын өлшеу саны бойынша рекорд Үндістанға тиесілі болған. Үндістандық дәрігерлер бір сағаттың ішінде 3 600 адамның қан қысымын өлшеп үлгерген.
Stan.kz
