Хабиб Нұрмағамедов ақтөбелік қызға Toyota Camry көлігін сыйлады
Ақтөбелік Сәуле Болатбаева Toyota Camry автокөлігінің иесі атанды. Ол бұған дейін Хабиб Нұрмағамедов өткізген байқауда көлік ұтып алған еді, деп жазады Stan.kz.
Бұл туралы Сәуле Болатбаева Instagram желісінде мәлімдеді.
UFC-дің жеңіл салмақтағы чемпионы 17 ақпанда Мәскеуде қазақстандық қызға көліктің кілтін табыстады.
«Көптен күткен сәт», – деп жазды Сәуле Хабиб Нұрмағамедовпен бірге түскен суретін жариялап.
Еске сала кетсек, Хабиб Нұрмағамедов Instagram желісінде байқау өткізіп, нәтижесінде ақтөбелік қыз ұтысқа ие болған еді. Жеңімпаз 2018 жылдың 30 желтоқсанында кездейсоқ сандар генераторы арқылы анықталды.
Stan.kz
