Туберкулездің алдын-алу

         
    Туберкулез –әлеуметтік және жалпы медициналық мәселе, сондықтан туберкулездің алдын-алу мақсатында әлеуметтік және медициналық тұрғыда бағытталған шаралардың кешені жүргізіледі. Туберкулездің алдын алу екі бағытта жүргізіледі-арнайы, яғни тікелей ауру қоздырушысына бағытталған және ең сау адамдардың ауруға шалдығуларының алдын-алуға бағытталған санитарлы алдын алу. Сонымен, арнайы алдын алу шаралары ағзаның туберкулез қоздырғыштарына қарсы төтеп бере алуын арттыруға бағытталған және нақты бір адамға негізделген. Сау адамның туберкулез жұқпасын төтеп бере алуын, иммунизация жолы-вакцинация арқылы арттыруға болады. БЦЖ вакцинациясы көптеген елдерде ерекше мәнге ие болып келеді.Аталған екпе жуық шамамен жас ерекшеліктері әртүрлі 2 млрд.адамға жасала отырып, көптеген елдерде туберкулездің ауыр түрлерінің артуын ескере отырып, ол аурудың алдын-алу шараларының басты түрі болып саналады. Қазақстан Республикасында туберкулезге қарсы жаппай вакцинация жасау, перзентханаларда жаңадан дүниеге келген сау нәрестелерге жүргізіледі. Оны нәрестенің анасының жазбаша түрде келісімімен арнайы егуге арналған бөлмеде жасайды. Туберкулез жұқпасының таралу қауіпі адамның тұрмыс жағдайына, оның тұратын елді мекенінің мәдениетінің деңгейіне, науқастың әдетіне және онымен қарым-қатынаста болатын адамдарға байланысты. Қайда болса сонда түкіре беру сияқты жаман әдеттеріміз біздің тұрмысымыздан алынып тасталуы керек.Әрбір жөтелуші адам қақырығын өзіне тән қақпағы бар, қалта түкіргішіне жинағаны жөн болар.
Егер науқас адамның өзіне тән жеке бөлмесі немесе тым болмағанда ортақ бөлмеде бөлек бір қоршалған бұрышы болмаса, үйде тазалық сақталмаған жағдайда сау адамдарда туберкулезге шалдығу қаупі арта түседі. Сондықтан туберкулез науқастарымен тұратын адамдар барлық жағынан гигиеналық талаптарды орындап және де ауру адамның жеке заттарын, сонымен қатар тұратынорындарын жиі дезинфекциялап отыруы қажет. Ең басты есте сақтайтын жайт, ережеге сай, туберкулезді жұқтыру қаупі ашық ортада емес жабық  ортада көп жүреді. Сондықтан бөлмені барынша жиі желдетіп отырған жөн жәнеден бөлмеде ауаның алмасуы жақсы болу керек. Бөлмеде тазалық жүргізу туберкулезді жұқтырудың алдын-алады. Құрғақ тазалық жүргізу, яғни жай ғана сыпырғымен сыпыра салу ол тазалыққа жатпайды, өйткені бөлмені сыпырғанда пайда болатын шаң, жоғары көтеріліп, кейіннен еденге, жиһазға т.б. заттарға қайтып түседі. Сол себептен бөлмеде күнделікті дымқыл тазалық шараларын жүргізу-аз да болса туберкулез микробактерияларының таралуы мен олардың адам ағзасына түсуін азайтады. Жиһаздағы, терезе алдындағы, басқа да заттардағы шаңдарды тек дымқыл шүберекпен сүрткен жөн. Еденді жиі жуып тұру қажет, егер қабырға майлы бояумен боялған болса, оны да жуған дұрыс.  
                 Жалағаш аудандық  Қоғамдық
               денсаулық сақтау басқармасының
                                       басшысы                                                                         О.М.Аханов