Қазақстанда балалардың жәрдемақысын 18 жасқа дейін беруді қарастырып жатыр
Қазақстанда 18 жасқа дейінгі балаларға жәрдемақы төлеу ұсынылды, деп хабарлайды Stan.kz Еңбек және халықты әлеуметтік қорғау министрлігінің баспасөз қызметіне сілтеп.
Жұмыс тобы аз қамтылған және көпбалалы отбасыларды қолдау жөнінде бірқатар ұсыныстар әзірледі.
"18 жасқа дейінгі балаларға әлеуметтік қолдаудың кейбір шараларын оңтайландыру арқылы жәрдемақылар енгізу, сондай-ақ мүгедектігі бар балаларды тәрбиелеп отырған көпбалалы аналарға зейнетақымен қамтамасыз ету, АӘК тағайындау кезінде жалпы кірісті есептеу әдістемесін өзгерту, , көпбалалы ана екенін және басқа жағдайда мәртебені растайтын сертификат беру кезінде күнкөріс минимумының құрылымын қайта қарау", - деді Еңбек және халықты әлеуметтік қорғау вице-министрі Светлана Жақыпова.
Сондай-ақ "Еңбек" өнімді жұмыспен қамту және жаппай кәсіпкерлікті дамыту мемлекеттік бағдарламасына өзгерістер енгізді.
"Көптеген ауыл тұрғындарының жұмыспен қамтылуын қамтамасыз ету және олардың өсуін қамтамасыз ету мақсатында жаңа бизнес-идея үшін 505 мың теңге көлемінде қайтарымсыз мемлкеттік гранттар беріледі. Ал биылғы жылы ауылда көпбалалы аналар мен мүгедектер арасында кәсіпкерлікті дамытуға 5 мың шағын несие бөлінеді", - делінген хабарламада.
Табысы аз табысы көп отбасылар үшін ауылдық отбасылар сұранысқа ие мамандықтар бойынша қысқамерзімді дәріс ұйымдастырады. Үйде отырып жұмыс істейтін әлеуметтік жұмыс орындары болады.
Министрлік әлеуметтік көмек пен қызметтердің бірыңғай пакетін әзірледі. Әлеуметтік пакетте әлеуметтік қолдау және әлеуметтік қызметтердің 11 шарасы қамтылған.
Stan.kz
