Нұр-Сұлтанда бір әйел және төрт бала газға уланып ауруханаға түсті, деп хабарлайды Stan.kz ақпарат агенттігі елордалық ТЖД-нің баспасөз қызметіне сілтеме жасап.

Хабарламаға сүйенсек, өрт туралы хабар бүгін сағат 9:58-де түскен.
Өрт туралы хабарлама алған өрт сөндіру қызметі оқиға орнына 6 минутта үлгеріп барды. Олар келгенде 9 қабатты тұрғын үйдегі жиһаздар мен үйдегі заттар өртеніп жатқан. Абырой болғанда, олар өртті 10 минутта сөндіріп, газға уланғандарды ажалдан арашалап қалды.
Өрт салдарынан 1988 жылғы әйел мен 2012 жылы туған бала және 2014, 2017 жылдары туылған 3 қыз уланып, ауруханаға жеткізілді.