Бас мүфти Рамазан айына байланысты халыққа үндеу жолдады
![](https://syrboyi.kz/uploads/posts/2019-04/1556632339_228e4c0f-670a-427b-9638-a6ee1a390037.jpeg)
Серікбай қажы Ораз барша қазақстандықтарды қасиетті айда игілікті істер жасауға шақырған.
"Рамазан –қайырымдылық пен ізгіліктің айы. Алланың ризашылығы үшін әрбір мұсылман өзінің нәпсін тыйып, 30 күн бойы ораза ұстап, ішуден жеуден тыйылса, оразаның сауабы есебінен оның күнәсіне кешірім болады. Сондықтан қазақстандықтарды қасиетті Рамазан айында көптеген қайырымдылық іс-шараға белсене қатысуға шақырамын", - дейді бас мүфти.
Еске сала кетейік, биыл қасиетті Рамазан айы 6 мамырдан басталады. Ал Айт мерекесі 5 маусымға, қасиетті Қадір түні 31 мамырдан 1 маусымға қараған түнге сәйкес келіп отыр. Биыл Рамазан айы 30 күнге созылады.
Пітір садақаның мөлшері жан басына шаққанда 300 теңге деп белгіленген.