Сәдібек Түгел қазақстандық қыздардың шетелдіктерге тұрмысқа шығуына заңмен тыйым салуды ұсынды
Қазақстан президенттігіне үміткер Сәдібек Түгел қазақстандық қыздардың шетелдіктерге тұрмысқа шығуына тыйым салуды ұсынды. Ол ұлтаралық некені «моральдық қылмыс» деп санайды. Сондықтан «Неке туралы» заңды өзгерту керек, дейді.
«Менің есебім бойынша, жыл сайын 9 500 қазақ қызы шетелдік азаматтарға тұрмысқа шығады. Бүгінде ұлтаралық некелердің саны 30 пайызға артқан. Олар неліктен мұндай қадамға барады? Бәлкім, толыққанды жағдай жасалмағандықтан болар. Онда қыздарымыз мемелекеттен кетуге асықпауы үшін, сол жағдайды жасауға тырысуымыз керек. Сонымен қатар баланың бойына ерте жастан ұлттық отбасылық құндылықтарды сіңіру қажет», - дейді Сәдібек Түгел.
