Түркістан облысындағы инкассаторлар өлімі: Күдікті несиесін жабу үшін қылмысқа барған
Түркістан облысында екі инкассатордың өлімі үшін ұсталған күдікті қылмысқы не себепті барғанын айтты.
1981 жылы туған күдікті қазір 38 жаста. Бес баланың әкесі. Мойнында екі несиесі бар. Соны жабу үшін инкассаторды тонағанын айтады. Бұл туралы ERNUR.KZ-ке сілтеме жасап Stan.kz хабарлайды.
Бұған дейін ауылға зейнетақы таратуға жолға шыққан екі инкассатордың мерт болғанын хабарлаған едік.
Еңбек демалысында жүрген күдікті әріптесінің қомақты ақшамен келе жатқанын біліп, алдынан шыққан. Жолай өзін жеткізіп тастауын өтініп, жол бойында қару кезенген.
Қазір қылмысқа қатысты тергеу жүріп жатыр. Үш бап бойынша, іс жүргізілуде.
