Оралда өрт болып, 3 адам қаза болды
Оралда өрт болып, 3 адам қаза тапты. Алдын ала мәліметтер бойынша ер адам, әйел және бала өрттің құрбаны болды.
ТЖД қайғылы оқиға "Волна" бағбандық серіктестігінің аумағында түнде болғанын айтты. Өрт туралы қоңырау құтқару қызметіне сағат 02.46-да түсті.
Өрт сөндірушілер қоңырау шалған жерге жеткенде, коттедж өртеніп жатқанын байқады. Өрт таңертең ерте, сағат 06.15-те жойылды. Өрттің кесірінен 35 шаршы метр аумақ бүлінген.
Сондай-ақ, департамент үйден үш адамның, 1961 жылы туылған ер азамат, сондай-ақ қазіргі уақытта кім екендігі белгісіз әйелдер мен баланың мәйіті табылғанын хабарлады.
Өртке Батыс Қазақстан облысының 14 өрт сөндірушісі мен 4 техникасы жұмылдырылды.
