АҚШ-та көлік аурухананың екінші қабатына кіріп кетті

АҚШ-тың Санта-Ана қаласында ерекше жол-көлік оқиғасы орын алды. Автомобиль аурухананың екінші қабатымен соқтығысып қалды, деп хабарлайды Baq.kz ақпарат агенттігі ria.ru басылымына сілтеме жасап.

Қатты жылдамдықпен келе жатқан автомобиль трассадан шығып кетіп, аурухананың екінші қабатына барып соғылды. Оқыс оқиға орнына келген өрт сөндірушілер жеңіл жарақат алған екі адамды көліктен алып шықты.
Жүргізуші тергеу жұмыстары барысында есірткі әсерінен осындай әрекет жасағанын мойындады.