Қарағандыда шахтерлердің құрметіне қойылған ескерткішті тонап кетті

Вандалдар мемориалдың мыстан құйылған әріптерін алып, гранитін сындырып кеткен, деп хабарлайды Baq.kz ақпарат агенттігі

Шахтерлердің ескерткіші 2006 жылы Қарағандының орталық саябағына қойылған. Суретшілер материал ретінде қола мен гранитті пайдаланған.

Қолайсыз ауа райына төзімді болғандықтан, әріптер мыстан құйылған. Жазулардың бірі Владимир Высоцкийдің «Шахметрлер гимнінен» үзінді болса, екінші жазу мемлекет басшысының тапсырысымен «АрселорМиттал Теміртау» компаниясы орнатқаны туралы.

Қарағанды саябақтары басқармасы вандалдарды іздейтіндерін айтты. Полиция қызметкерлері бұл іспен айналысып жатыр. Дегенмен олардың ұсталуын күтпей, монументті жөндеу жұмыстары жүргізіле береді

Baq.kz