Испания тұрғыны әйелінің WhatsApp-тағы хат алмасуларын рұқсатсыз оқығаны үшін екі жылға бас бостандығынан айырылды. Бұл туралы Испан басылымында хабарланды, деп жазады Stan.kz ақпараттық агенттігі.

32 жастағы кәсіпкер әйелінің телефонындағы хабарламаларды оқу үшін арнайы бағдарлама қолданған. Жұбайының WhatsApp-тағы хаттарын оқыған ер адам оның кімдермен сөйлескенін скриншот жасап, әйеліне жіберген.
Жеке құқығы тапталған әйел осыдан кейін күйеуін жеке өміріне қол сұқты және ұрып-соғып, зорлады деп айыптап, оны сотқа берді. Айыптаушы тарап қызғаныштан әйелін ұрып-соққан ер адамды 78 жылға түрмеге қамауларын талап етті. Бірақ сот оны бірінші бөлім бойынша ғана кінәлі деп тапты. Ал, зорлық-зомбылық фактілері дәлелдене алмады.


Stan.kz