» » Кадрлық өзгерістер болды

Кадрлық өзгерістер болды

Кеше облыс әкімі Қуанышбек Ысқақовтың төрағалығымен актив отырысы өтіп,  бірқатар кадрлық өзгерістер жария етілді.
Қазақстан Республикасы Президенті Әкімшілігінің ке­лісімі бойынша облыс әкі­мінің өкімімен Жаханов Бахыт Дүйсенұлы облыс әкі­мі­нің орынбасары лауазымы­на тағайындалды. Түрлі жауап­ты қызметтер атқарған ол 2015 жылдан бастап осы уақытқа дейін облыстық ауыл шаруашылығы бас­қармасының басшысы қыз­метін атқарған болатын. Сондай-ақ, облыс әкімі аппаратының басшысы бол­ған Делмұханов Марат Нұрсайынұлы да облыс әкі­мінің орынбасары қызметіне тағайындалды.
Еңбек жолын Батыс Қазақ­стан облысының эконо­ми­ка басқармасында бас ма­ман ретінде бастаған Марат Нұр­сайынұлы әр жыл­­дары Батыс Қазақстан облы­сы әкімі аппараты талдау-экс­перт­тік бөлімінің бас маманы, ұйымдастыру-ба­қылау бөлімінің бас инспекторы, бөлім меңгерушісі, Батыс Қазақстан және Қызылорда облысы әкімі аппараты бас­шысының орынбасары, облыс­тық жұмыспен қамтуды үй­лес­тіру және әлеу­меттік бағ­­дар­ламалар басқар­масының басшысы болған.
Мұнан бөлек, жиында облыс әкімі аппаратының Мем­­лекеттік-құқықтық жұ­мыс­­тар бөлімінің басшысы ретінде Жалғасбаев Ерқыран Ертілеуұлы таныстырылды. Облыс әкімі жаңа қызметке та­ғайын­далғандарға сәттілік тілеп, үлкен сенім білдірді.
 
“СБ” ақпарат.
27 шілде 2019 ж. 854 0