Қазақстан президенті Қасым-Жомарт Тоқаевтың жарлығымен Тараз қаласының әкімі Қайрат Досаев қызметінен босатылды, деп хабарлайды Stan.kz ақпарат агенттігі Жамбыл облысы әкімдігінің баспасөз қызметіне сілтеме жасап.

Жамбыл облыстық әкімдігінің баспасөз қызметі хабарлағандай, Бейсенбек Керімбекұлы Жанбосынов қала әкімі қызметінің міндеттерін уақытша атқаратын болады. 
Еске сала кетсек, мемлекет басшысы Қасым-Жомарт Тоқаев Тараз қаласының әкімі Қайрат Досаевты қызметінен босатуды тапсырған еді. Аталған шешім қаладағы мектептердің бірінің дәретханасында оқушы қыздың зорлануымен байланысты. 
Мемлекет басшысының сөзінше, әкім жұмысында жүйелі қателіктер жіберген. Сонымен қатар Тоқаев Жамбыл облысының әкіміне де ескерту жасады. 

stan.kz