Сыртқы істер министрлігі Эфиопиядағы ұшақ апатына қатысты мәлімдеме жасады

Сыртқы істер министрлігі Эфиопияда апат болған ұшақта қазақстандықтардың болмағанын мәлімдеді деп хабарлайды Sputnik Қазақстанға сілтеме жасаған KAZ.NUR.KZ.

Министрліктің мәліметінше, Қазақстан азаматтары апатқа ұшыраған Boeing 737 әуе кемесімен ұшпаған.
Еске сала кетейік, 10 наурыз күні таңертең Ethiopian Airlines әуе компаниясының ұшағы апат болды.
Бортында 157 адам болған әуе кемесінде ешбір жан тірі қалмаған.
Кейін ұшақта 33 мемлекеттің азаматтары болғаны анықталды. Олардың арасында үш Ресей азаматы да болған.


https://kaz.nur.kz